Autoebaluazioa

    




        Lana lehen esan bezala 3 zatitan banatuta dago, Tutoretza eta Orientazioko eskeman (%30), asmatutako egoeretan (%20) eta garatu beharreko tutoretza batean (%50). Lehenengoan 3tik 2,79 puntu lortu ditugu, bigarrengoan, 2tik 1,6 eta azkenekoan 5 puntuak, horregatik gure nota finala 9,39koa da.

ESKEMAREN ERRUBRIKA

	BIKAIN (10)	OSO ONDO (8)	NAHIKO (5)	GUTXI (3)
BITARTEKO GRAFIKOAK (%30)	-Gaiarekin zerikusia duten argazki eta bideo ugari agertzen dira eta idatzitakoarekin bat datoz.	-Gaiarekin zerikusia duten argazki eta bideo ugari, baina batzuk .ez dira egokiak.	- Gaiarekin zerikusia duten argazki eta bideo gutxi jartzea, idatzitakoarekin zerikusia ez edukitzea.	-Gaiarekin zerikusia ez duten bideo eta argazkiak jartzea edo ezer ere ez jartzea.
ULERGARRITASUNA (%35)	-Eskemaren edukia guztiz ulerkorra da.	-Eskemaren edukia ulerkorra da, baina batzuetan loturarik ez du agertzen	-Eskemaren edukia ez da oso ulerkorra , lotura gutxirekin, baina erabilgarria da.	-Eskemaren edukia ulertezina da  eta zatiek ez dute haien arteko loturarik.
EDUKIA (%35)	-Eskema osatzeko soilik beharrezkoa diren ezaugarriak aipatzea.	-Eskema osatzeko beharrezkoa dena baino gehiago edo gutxiago aipatzea	Edukia badago baino ez du lotura handirik.	-Ez dago edukirik.

Eskema honen nota 9,3 koa da, kolorez agertzen diren zatiak gure nota osatu dutenak izanik.

            Eskema ebaluatzeko orduan,  hiru faktore kontuan hartu ditugu, gure ustetan, gaia ulertzeko garrantzitsuenak. Edukiari begira, hau ezinbestekoa dela esan dezakegu, bestela eskemak ez baitauka inongo informaziorik. Ulerkortasuna, edukiak ulerkorrak izateko eta zati desberdinen artean loturak agertzen diren ikusteko da, honela eskema erabilgarria den ala ez ikusteko. Azkenekoa, bitarteko grafikoak agertzea, kontrol moduko bat da, ikasleek eskeman idatzitakoa ulertu duten ala ez ikusteko, irudi egokiak erabiliz gero, jakina da ikasleak ondo ulertu duela idatzitakoa eta ez duela inondik kopiatu, hau da, sorkuntza lana dela.

              

TUTORETZA PLAN ETA ORIENTABIDEAK- en MINDOMO ESKEMA

TUTORETZAREN ERRUBRIKA

	BIKAIN (10)	OSO ONDO (8)	NAHIKOA (5)	GUTXI (3)
ASMATUTAKO TUTORETZA ETA GARATUTAKOA (%100)	Helburua zehatza da, partaide guztiak azaltzen dira,kasuaren eboluzioa egiten da eta irtenbideak eskeintzen dira.	Helburua zehatza da, partaide guztiak azaltzen dira, kasuaren  eboluzioa hurbiletik jarraitzen du eta irtenbideak aipatzen dira.	Helburua nahiko zehatza da, partaide guztiak azaltzen dira, kasuaren eboluzioa ez du hurbiletik egiten eta ez ditu irtenbideak eskeintzen.	Ez dago helbururik, ez dira partaide guztiak azaltzen, ez kasuaren eboluzioa aztertzen eta ez dira irtenbideak eskeintzen

Asmatutako tutoretzak nota osoaren %20 hartzen du eta garatu beharreko tutoretzak % 50. Asmatutako tutoretzetan 8ko bat lortu dugu eta garatutakoan 10.

TUTORETZAREN MINDOMO ESKEMA

ASMATUTAKO TUTORETZA

            Jarraian guk asmatutako tutoretza bat aurkezten dizuegu. Helburuak eta partaideak finkatu ondoren hau nola garatuko den argitzeko taula eskematiko bat ipini dugu tutoretza saio hauek nolakoak izan diren ikusteko.

            Gaur goizko atsedenaldian, 5. LH-ko neskatxa bat, Amaia Hurtado, txoko batean ezkutaturik harrapatu dute zigarro bat erretzen. Hau gutxi balitz erretzen harrapatu dutenean ez du zigarroa itzali ezta ezkutatu, alderantziz, azkeneko zupada bat eman dio lasai-lasai irakaslearen muturren aurrean, bizitza osoa erretzen emango balu bezala. Hau ikusita , irakasleek zigarro paketea kendu eta zuzendaritzara eraman dute bere gurasoekin hitz egiteko asmotan. Hauei, gertaturikoa kontatzean harrigarria izan da hauen erantzuna zuzendaritzarentzat, Amaiaren gurasoek ez baitiote garrantzirik eman gertaerari. Gurasoen axolagabekeria ikusirik, tutoretza saio batzuk prestatzea erabaki dugu, Partaideak Amaia ikaslea bera, bere gurasoak eta irakaslea eta pedagogoaren arteko elkarlan bikote bat izango dira. Helburua Amaiak erretzeari utz diezaion eta gurasoak prozesu horretan kontzientziatu eta  laguntza eta ardura gehiago erakustea dira.

            Horretarako tutoretza saio hauek asteartero egitea pentsatu dugu, saio laburrak izanik, hogei bat minutu, haurra ez nekatu eta nazkatzeko. Honez gain gurasoekin bi astean behin elkartzeko hitzordua jarri dugu haurraren eboluzioaz gurasoak jakinaren gainean egoteko eta haurra hezteko aholku batzuk emateko.

Hau izan da Amaiaren tutoretzetako planifikazio eta eboluzioa:

 

	Amaia		Gurasoak
	Helburua	Eboluzioa	Helburua	Eboluzioa
1	-Amaiaren erretzeko zergatia ezagutzea eta ulertzea.	-Amaiarekin hitz egin eta bere gurasoak erretzaileak direla esan du, etxean une oro erretzen dutela eta bere gurasoei zigarroak lapurtzen dizkiela.	-Gurasoei erretzeko ohiturak aldatzeko konbentzitu behar zaie haurraren aurrean ez erretzeko eta inplikazio handiagoa eskatu.	- Nahiz eta erretzearen kontuari garrantzi gehiegirik ez eman, ez dute beraien alaba erretzen ikusi nahi, eta bere aurrean ez erretzera konprometitzen dira.
2	-Tabakoari zein alde positibo ikusten dizkion galdetu Amaiari.	-Ez daki erantzuna, eta negarrez hasi da tutoretza ezin zuelako jasan edo ihes egiteko bide moduan.
3	-Tabakoa txarra dela ulertarazi eta helduen moduan aritzeko beste ekintza batzuk daudela jakinarazi.	-Tutoretza honetan Amaiaren heldua izateko nahiak ezagutu ditugu.	-Haurraren hezkuntzan gurasoen inplikazio maila handiagoa eskatzen zaie.	- Amaiaren heziketa beraientzat garrantzitsuena dela diote, eta ez dutela inongo oztoporik jarri nahi beren alabak ahalik eta heziketa hoberena jaso dezan.
4	-Amaiari ulertarazi nahi zaio bizitzako garai bakoitzean uzta desberdinak jaso behar direla.	- Amaiak aitortu du ez duela arrazoirik erretzeko eta dituen alde txarrak ez dituela jasan nahi esan du ere.

EGOERA EZBERDINAK

EGOERA POSIBLEAK

Hainbat eta hainbat dira gertatu daitezken egoera posibleak. Jarraian parte-hartzaileak eta helburuak zerrendatu ditugu eta ondoren hauetako batzuk konbinatu eta egoera jakin batzuk asmatu ditugu laburki esplikatuz. Hauek adibide bezala hartu daitezke, izan ere jarraian hauetako bat sakonki garatuko baitugu.

PARTE-HARTZAILEAK:	HELBURUAK
Irakaslea	Zoriontzea
Ikaslea	Motibatzea
Ikasketa burua	Laguntza eskatzea
Zuzendaria	Laguntza eskeintzea
Gurasoak	Esplikazioak bilatzea
Guraso Elkartea	Nota jetsieragatik abisatzea
Zerbitzu Sozialak	Etxeko arazoak konpontzea
Eskola Kontseilua	Harremanak konpontzea
Polizia	Jarrera hobetzea
Abokatua	Gehiago saiatzea
Jantokiko langileak	Autoinkulpatzea
Autobusetako zaintzaileak	Elkarbizitza arazoak konpontzea
Garbitzaileak	Gurasoen kexak konpontzea
	Irakasleekin arazoak konpontzea
	Ikasleen ezinegonak entzutea

EGOERA EZBERDINEN ASMAKIZUNAK

·        Lehenengo egoera hipotetiko honetan, 3 parte hartzaile desberdin egongo lirateke. Zuzendaria, ikaslea eta jantokiko arduraduna. Helburua, haur batek  jantokian eta bazkaltzeko orduan duen jarrera hobetzea da. Haur honek bazkaltzeko garaian errespetatu behar diren arau eta jateko ohitura egokiak ondo barnera arazten saiatu beharko dira bai zuzendaria eta bai arduraduna.

·        Bigarren egoera hipotetiko batean irakasleak, ikasle batek eta zuzendariak hartuko lukete parte. Ikasle hau jolas garaian erretzen harrapatu dute eta helburua irakaslearen partetik, hau egiteak dakartzan ondorioez ikaslea jabe araztea da eta bestalde, ikastolako zuzendariaren helburua gurasoak abisatzea eta egoera hau berriz ez errepikatzea izango da.

·        Hirugarren egoera hipotetiko batean, parte hartzaileak zuzendaria, irakaslea eta zerbitzu sozialak dira. Egoera honetan ikasle baten gurasoak banandu egin dira eta ikaslea amarekin bizi dela, ez dauka oso giro onik etxean eta gainera diru falta beraz helburua ikasle honen egoera familiarra hobetzea da, gurasoen inplikazioa eta elkarlana bultzatzea eta ikasle honen ikasketa maila hurbiletik zuzentzea.

·        Laugarren egoera hipotetiko honetan irakasleak, guraso elkartea eta eskola kontseilua bildu dira. Azken ebaluazioan noten jetsiera nabarmena egon dela konturatu dira, klaseetako giroa ere arraroa dela konturatu dira eta lan giroan horrek ez du batere laguntzen. Helburua, egoera zuzentzea eta ikasleen notak gora egin dezaten da.

·        Bosgarren egoera hipotetiko honetan ikasle batek, gurasoek, zuzendariak, poliziak eta abokatu batek hartzen dute parte. Azkenaldian lapurreta ugari eman dira ikastolako aldageletan, ikasgeletan, aisialdi guneetan etab eta helburua hauek argitzea da izan ere, diru kopuru handietako lapurretak izan dira.

5. atalaren SARRERA

Bosgarren eta azken atal honetan lanari amaiera eman beharko diogu. Atalka landutako gai hauen azken zatia kaleratuko dugu eta honen bestez gai honen inguruan idatzitako guztiak bukatuko ditugu. 5: atal honetan tutoretzak landuko ditugu. Irakasle batek, bere bizitza profesional guztian zehar, askotan egin beharko dio aurre egoera honi eta honenbestez tutoretza hauei buruz hitz egingo dizuegu. Alde batetik eskema multimedia bat sortuko dugu mindomoan eta bertan TUTORETZA PLANAK eta ORIENTABIDEAK izeneko bi dokumentuei buruzko informazio labur bat argitaratuko dugu, zehatza bezain eraginkorra suertatuko zaizuena. Bestalde tutoretza egoera ezberdinen asmakizuna egingo dugu eta ondoren egoera hauetako bat sakondu egingo dugu. Amaitzeko 3 errubrika taula argitaratuko ditugu: lehenengoak eskeman argitaratuko duguna baloratuko du, bigarrenak egoera desberdinak eta egoera baten azterketa baloratzeko balioko du eta hirugarren eta azken batek gure azken lan hau ebaluatzeko balioko du.

EKARPENA: Berdintasuna ala emaitza akademikoak?

Egungo eskoletan berdintasuna bermatzen saiatzen dira, naiz eta, gaurko hezkuntzan estrukturazioaren sustaiak bide honetatik ez joan. Baina zer da berdintasuna? Gure hitzetan, ezaugarri fisiko, genero, adin eta estatusak alde batera utzita, pertsona guztiak berdinak garela pentsatzea eta honela jokatzea.

Benetan betetzen al da hau hezkuntzan? Esan daiteke, prozesu luze baten bitartez, berdintasunaren praktika, eskletan agertzen joan dela. Adibide bat jartzearren, pauso garrantzitsu bat, sexu desberdinak ikasgelan berdinetan ikasi eta heztea. Honekin lortzen dena, bi sexuen arteko ezagutza da eta honek berdintasunerako bidean lehen pasuoa da. Hala ere, oraindik, pauso asko falta dira berdintasun osora iristeko, esaterako: bai mutilek bai neskek beren aldagelak dituzte, beti separatuak noski. Honi erreparatuz erreflexio bat egin daiteke, zergaitik separatzen gaituzte denak pertsonak bagara? Gainera honelako portaerak txikitatik erakusten badira, gero nromalizatu egiten dira eta haurrei arrunta egiten zaiena, gero heldutasunean, berdin jarraituko du.

Kontatutakoa “kasuarekin” lotus, ondorio argi  bat eta bakar bat atera daiteke. Hezkuntzan berdintasuna bultzatzen ari denean pentsaezina da ikasle batzuk generoaren arabera separatzea emaitza akdemiko hobeak lortzen direlako aitzakiarekin. Pentsau behar dena zera da, ikasketa akademikoak balore eta jokabideak baino garrantzitsuagoak diren hezkuntzan. Lehen hezkuntzan oinarrizko ikasketa akademikaok irakasten zaizkie, baina haurraren garapen pertsonala da etapa honetan garrantzitsuena.

Beraz, baloreak eta jokabideak garrantzia handiagoa dute ikasketa akademikoak baino. Honekin esna nahi dena da, ikasleak ezin direla emaitza akademikoen aitzakiarekin generoanren arabera separatu, haurraren garapen pertsonala ezin baita ulertu beste sexuaren presentzia gabe.

EUSKAL ESKOLA PUBLIKOAREN ARAZOAK

Euskal eskola publikoak, jakina denez, lege batzuk bete behar ditu Euskal Herriko ikastetxe guztiek jokabide berdinak izan ditzaten. Baina, ondo betetzen al da ikastetxe guztietan eskola publikoaren legea? Arrazoi batzuengatik edo besteengatik erantzuna ezezkoa da.

Lehen arazo argia irakasleen partetik jasaten dugu. Kalitatezko hezkuntza bat bermatu behar dela dio legeak, baina gaur egun, irakasle asko eta asko ez da gai hezkuntza maila altu bat bermatzeko. Hizkuntzarekin arazoak dituztelako (egun irakasle gehiegi dago euskara maila minimorik gabe klaseak euskeraz emateko, eta honela ezinezkoa da ikasleek bertako hizkuntza modu egokian hitz egitea). Gainera eskola publikoak doan izanik (hezkuntzak bere osotasunean izan beharko luke musutruk, ikastetxe pribaturik gabe) bertan arazo ekonomikoak etab. dituzten familia ugariko seme-alabak elkartzen dira. Askotan honelako umeek arazo asko sortzen dituzte klaseetan, eta irakasleak ume hauek motibatzen jakin behar du, euren ikasketak bideratu ahal izateko, laguntza apur batekin oso erraz gainditzen baitituzte ikasle hauek ikasgaiak. Beraz, umeak motibatzen eta bideratzen jakitea beharrezkoa du irakasle batek, bere lana ondo bete ahal izateko.

Bestalde legeak argi uzten du eskolako zuzendariaren irudia indartu egin nahi duela, eta horretarako zuzendari honek ikastaro batzuk jasoko dituela. Baina ikastaro bat ez da nahiko zuzendari batek bere lana ondo betetzeko. Zuzendariak argi jakin behar du berak duela ikastetxea bideratzeko erantzukizun nagusia eta bere lana gustuko izan behar du eskola bide onetik eramateko. Eta hau ez da zuzendariarentzat bakarrik, ikastetxeko pertsona guztiek eduki behar baitute argi beren erantzukizuna zein den, lana gustura egin eta ikastetxea bide onetik eraman ahal izateko. Azaldutakoa ikastetxe guztietan betetzen bakarrik lortuko dugu euskal eskola publikoa indartzea, handitzen joan dadin, eta egunez egun hobetuz.

EKARPENA: JOLAS ETA JOSTAILU EZ SEXITAK ESKOLAN

Jolasa ikasteko egoera naturala da, jolas desberdinek zenbait gaitasunen garapena errazten dute, eta jostailuak jolasa aberasteko baliabideak dira. Jostailuek izugarrizko garrantzia dute haurren hezkuntza prozesuan. Ez dira soilik ondo pasatzeko eta entretenitzeko. Jolasa dela medio, umearen garapen osoa eta euren garapen pertsonala hobetzeko gaitasun positiboak bereganatuko dituzte: gaitasunen, irudimen eta fantasiaren sustapena, ulermen teknikoa, inguruarekin harremana, norberaren balorazioa, pertsonalitatearen indartze edo sendotasuna, auto-ezagutza... Haurtzaroan, jolasa da ezagutzarako, ikasketarako eta adierazpenerako bide nagusia. Jolasekin, hurbileneko esperientziak islatzen dituzte eta,izango duten nortasuna eratzen duten egoera desberdinen aurreko portaera, jarrera eta gaitasunak ikasten dituzte. Horien bitartez jostailuek indartzen dituzten gaitasun eta baloreak bereganatzen dituzte. Jolasaren bidez bizi diren jendartearen arauak eta portaerak ikasten dituzte. Jostailuak berez, ez dira onak edo txarrak, hauen egokitasuna ematen diogun erabileraren araberakoa izango da. Jolas eta jostailu desberdinak erabiltzen berezko generoari dagozkion ezaugarriak ezagutuko dituzte neskek zein mutilek. Ondorioz generoaren araberako erabilerak, estereotipo sexistak barneratu, birproduzitu eta iraunaraztearen funtzioa. Hau dela eta, heziketarako tresna garrantzitsua den momentutik, ezinbestekoa da eskaintzen, onartzen edo indartzen ari garen ereduen analisi kritiko bat egitea. Hona hemen sailkapen bat:

JOLAS ETA JOSTAILU SEXISTAK

·        Neskak edo mutilak jolasteko aukera ematen ez dutenak.

·        Gizona edo emakumea izatea “irakasten” dutenak.

·        Genero desberdintasunak markatzen dituztenak.

·        Heldu eta umeen arteko harremana, modu itxian,generoen araberako jolasetan bideratzen dituztenak.

·        Harremanak sexuaren arabera markatzen dituztenak.

·        Egungo genero zatiketa birproduzitzen dutenak.

JOLAS ETA JOSTAILU EZ SEXISTAK

·        Sexu gainetik jolastu ahal izateko aukera ematen dutenak.

·        Sexuari lotutako genero rolak errepikatzen ez dituztenak (ez indartzeko). Pertsona moduan, gaitasun anitzak bultzatuz, osotasunean garatzeko laguntzen dutenak.

·        Genero estereotipoei erantzuten ez dietenak. Generoak garatzen dituen gaitasunak baino askoz gehiago lantzeko aukera ematen dutenak

·        Eredu zabal eta ez itxietan jolasteko aukera ematen dutenak.

·        Generoari dagozkion bestelako baloreak bultzatzen dituztenak (balore positiboak)

·        Bizitzararako eredu berri bat, parekidetasunean oinarritua, bultzatzen dutenak.

Jostailu anitzak sexu bietan, rol sexistak tipifikatzen ez dituztenak, eta jarrera bortitzak bultzatzen ez dituztenak (Jostailu belikoak). Helduok, gehienetan, neska eta mutilen jolasak ezberdindu egiten ditugu, sexu bien arteko mugak eraikiz. Garrantzitsua da umeek era askotako jostailuak izatea (panpinak mutikoentzat eta mekanoak neskentzako), bakoitzak garapen prozesu ezberdinak eragiten dituelako helduaren bizitzan beharrezkoak izango direnak, generotik at. Badaude zenbait ikerketa honakoa bermatzen dutena: neskatoak diziplinatuagoak direla, jolas lasaiagoak aukeratzen dutela, ekintza sedentarioagoak, antzezpen jolasak, imitaziozkoak, margotzea aukeratzen dutela, eta balentria jolasekiko interes gutxi erakusten dutela. Horrela, mutikoek gehiagotan erakusten dute haserrealdia, jolas aktibo eta kementsuak aukeratzen dituzte, trebetasuna eta muskulu-abilezia, lehia eta antolakuntza inplikatzen dutenak. Besteak erasotzeko joera handiagoa erakusten dute edo konpartitzeari uko egiten diote.

            Beraz ondorio bezala esan daiteke, komenigarria dela, haur guztiek, neska zein mutil, joko ezberdinetan partea hartzea, hauen garapena egokiagoa izan dadin.

Iturria: “Jolasak eta Jostailuak”.Bizkaiako Urtxintxa Eskola